Washington DC - Civic Educational Workshop - საუკეთესო კვირა !!!

არ ვიცი როგორ დავიწყო , არ ვიცი საერთოდ რა ვთქვა იმიტომ რომ საკმარისი არ იქნება. ეს იყო ყველაზე ძალიან ძალიან მაგარი კვირა ჩემს ცხოვრებაში. ის რაზე ოცნებასაც ვერ გავბედავდი. ყველაფერი იყო უმაღლეს დონეზე. აი რომ იტყვიან ფილმებშიო მაგრამ ჩემი აზრით ფილმებში რომაა იმაზე მაგარიც კი იყო. მოკლედ პირველ დღეს ყველანი ვაშინგტონში ჩავფრინდით და სასტუმრო რედისონში დავბინავდით. ძალიან დიდი მოლოდინებით. და ჩვენი მოლოდინებიც გამართლდა !


დღე 2


 დღეს პირველად წავედით კაპიტოლიუმში,ორიენტაციისთვის რათა ოთხშაბათს მზად ვყოფილიყავით მარტო სიარულისათვის. მოვიარეთ ყველა სახლი. სენატი და წარმომადგენლობითი პალატის ადგილმდებარეობაც გავარკვიეთ სადაც შეხვდერები გვექნებოდა. ამის შემდეგ ნიუზეუმი სადაც სემინარი ჩაგვიტარდა მედია ეთიკაზე. დაგვავალეს გვენახა ბერლინის კედლის ფრაგმენტი , 9/11 ტერაქტის მოვლენები , პულიცერის პრემიის ლაურეატი ფოტოები და 4 განზომილებიანი ფილმი სიტყვის თავისუფლების შესახებ. მართლაც რომ ძალიან ძალიან მაგარი იყო. შემდეგ ჯეფერსონის მემორიალისაკენ წავედით. ეს დღე ეძღვნებოდა თემას თავისუფლება და კანონი ასე რომ ჯეფერსონის მემორიალიდან ბევრი რამ ვისწავლეთ.
ვახშმის შემდეგ კი განტვირთვისათვის NBA თამაშზე წაგვიყვანეს სადაც თითოეულ მოთამაშეს ხელი ჩამოვართვით. თამაში კი მართლაც რომ დიდი სანახაობა იყო.

დღე 3

 ადრე გავეშურეთ სახელმწიფო დეპარტამენტისაკენ სადაც როგორც გვითხრეს ძალიან გაგვიმართლა შესვლის შანსი რომ გვეძლევა. სახელმწიფო მინისტრი რომელიც ფლექსის ერთ–ერთი დიდი მხარდამჭერია სიტყვით გამოვიდა. შემდეგ იყო სპეციალური წარმომადგენლები ევროპისა და აზიის კომისიიდან რომლებმაც ჩვენს შეკითხვებს უპასუხეს.  შემდეგ აფრო ამერიკული სამოქალაქო ომის მემორიალს ვეწვიეთ და სემინარი მოვისმინეთ ერთ–ერთი გმირისაგან. ამერიკის საკონსულოში სადაც ყველა ფლექსელის საკითხს წყვეტენ შეხვედრა გვქონდა ყოფილ სახელმწიფო მინისტრთან და თავისუფალი სახლის დამაარსებელთან,  რომელმაც ჩვენს შეკითხვებს უპასუხა.ვახშმის შემდეგ კი 3 ფლექს ალუმნისაგან მოვისმინეთ სემინარები.

 დღე 4

როგორც დაგვარიგეს ეს იყო ყველაზე მნიშვნელოვანი დღე, რადგან პერსონალური, ერთი–ერთზე შეხვედრები გვქონდა სენატორებთან და მათ წარმომადგენელებთან. კაპიტოლიმთან 3 ჯგუფად გავედით. შეხვედრებმა კარგად ჩაიარა. ერთ–ერთზე ფლექსის წარმომადგენელიც მესწრებოდა და დასმული კითხვებისათვის შექებაც დავიმსახურე. შემდეგ კი თავისუფალი დროის გამოყენებას შევუდექი, ვიყავი ბიბლიოთეკაში, რომელიც მსოფლიოშია ცნობილი, უზენაესი სასამართლოს შენობაში  ,კაპიტოლიუმში ყრილობაზე. შემდეგ კი რუზველტის მემორიალს ვეწვიეთ.ვახშმის შემდეგ ყველამ ოცნება ავიხდინეთ.  შემდეგი გაჩერება იყო თეთრი სახლი.

დღე 5

  ჯგუფების მიხედვით ყველანი სხვადასხვა მიმარდულებით წავედით. ვეწვიეთ მოხალისე ორგანიზაციებს რომლებიც ქველმოქმედებას ეწევიან. როდესაც ვიზიტს მოვრჩით ლინკოლნის ცნობილი მემორიალისკენ გავეშურეთ მაგრამ ცარიელი აუზის ნახვისას იმედი კი გაგვიცრუვდა მაგრამ მიზეზად საკოსტრუქციო სამუშაოები დასახელდა. სადილი   ცნობილ Hard Rock Cafe მივირთვით.მის შემდეგ კი ვუდრო ვილსონის საერთაშორისო ცენტრში კონგრევუმენ ჯეინ ჰარმანთან შეხვედრა გვქონდა, სადაც ტელევიზია გვესწრებოდა. გადაცემას უძღვებოდა ცნობილი ჯურნალისტი ჯონ მილევსკი. ვახშმამდე მეორე მსოფლიო, კორეული, ვიეტნამის ომისადმი მიძრვნილი მემორიალები მოვინახულეთ. საღამო კი ამერიკის საკონსულოს მიერ მოხალისეობაზე ჩატარებული სემინარით დამთავრდა.

დღე 6

 პირველად მეტროტი ვიმგზავრეთ , რადგან როგორც ცნობილია ამ ქალაქს მეტროს განსხვავებული სისტემა აქვს. ვეწვიეთ სმიტსონიანის ცენტრს, ამერიკული ისტორიის მუზეუმს , კაცობრიობის ისტორიის მუზეუმს, ჰოლოკოსტის მუზეუმს შემდეგ კი სასტუმროში დავბრუნდით. ჩაგვიტარდა სემინარი თუ როგორ უნდა გამოვიყენოთ დაგროვილი ცოდნა უკან დაბრუნებულებმა. ამის შემდეგ ფინალური ვორკშოპები და 1 საათი მოგვეცა რათა ბანკეტისათვის მომვზადებულიყავით.

ბანკეტი ჩატარდა ვაშინგტონის ყველაზე მაღალ შენობაში "Top of the Town" ყველაფერი იყო უმაღლესი დონის. ტიმის სიტყვა რომელიც ყველას სიცოცხლის ბოლომდე გვემახსოვრება. მადლობები გადავუხადეთ სიდნის,კრისს. ების.რობინს,ჯონს.კელის,ემის,შეის,ალუმნებს და ყველაზე მეტად ისევ ტიმს–ადამიან ფლექსს. ყველანი დაერწმუნებული ვარ ჩემსავით ფიქრობდნენ არავის არ უნდოდა ამ მართლაც რომ ყველაზე მაგარი კვირის დამთავრებნა , მაგრამ როგორც ტიმმა გვითხრა "E Pluribus Unum " !


დღე 7

გაგვარვიძეს ძალიან ძალიან ადრე. ერთმანეთთან დამშვიდობებაც კი მოვასწარით ბავშვებმა , მაგრამ რაც მთავარია ერთმანეთი ფეისბუქში მოვძებნეთ და ასე შევინარჩუნებთ იმ ურთიერთობებს რომელიც ამ არაჩვეულებრივი კვირისას ჩამოყალიბდა. ბედნიერესი ადამიანი ვარ ეს შანსი რომ მომეცა და ცოდნას რომელიც შევიძინე აუცილებლად გამოვიყენებ.

Polar Bear Dip

 ჩემს ქალაქში ყოველწლიურად დიდი ფესტივალია სადაც საქველმოქმედო მიზნით თებერვალში ხალხი გაყინულ მდინარეში ხდება. ცნობისათვის ტემპერატურა ამ დროისათვის მინუს –15 გრადუსია.
 მე ჩემი ამ ფესტივალში მონაწილეობის ერთადერთი შანსი ხელიდან არ გავუშვი და ყინულოვან წყალში გადავხტი.
რათქმაუნდა ეს იყო ძალიან ძალიან ძნელი, სახეს ვერ ვგრძნობდი მაგრამ ცურვა კი შემეძლო და დათქმულ ადგილამდე მივედი. ჯაკუზიმ უცებ მიშველა და უკვე სხვა მონაწილეებს ვუყურებდი. უამრავი ადამიანები ხტებოდა განსხვავებული კოსტუმებით , ეს ყველაფერი კი ადგილობრივი საავადმყოპოს დასახმარებლად.

New York City - ბოლო დღე

 ნიუ იორკში ყოფნის ბოლო დგესაც ჩვეულებრივ ძალიან ადრე დავტოვეთ სასტუმრო. პირველად მეტროპოლიტენ მუზეუმში წავედით შემდეგ კი თავისუფალი დრო გვქონდა როკეფელერ პლაზა, მეხუთე ავენიუ და თაიმს სკვერისათვის. მუზეუმში ვნახე უამრავი ცნობილი ხელოვნების ნიმუში. თაიმს სკვერი ალბათ როგორც ყოველთვის ამ დღესაც გადჭედილი იყო და ბიჭები სადილისთვის ბაბა გამპს ვეწვიეთ. სპეციალური ტრივიაც მოვიგეთ და საჩურად სასმელებიც მოვიგეთ თავისი ბაბა გამპის ჭიქებით.
  5 საათისთვის უკვე დათქმულ ადგილას შევიკრიბეთ და ჩვენი ქალაქისაკენ წამოვედით. შუაღამეს ჩამოვედით, ძალიან ძალიან დაღლილები და კმაყოფილები.

4D Cinema

  მადამ ტიუსოს  მუზეუმში შანსი გაგვიჩნდა რომ ოთხგანზომილებიანი ფილმისთვის გვეყურებინა და ჩვენც  შანსი ხელი არ გავუშვით.
"ოზის ჯადოქარი" ოთხგანზომილებიანი ეფექტებით, ქარი, სურნელი, შეხება, წვიმა.
წინათ ეგეთი რაგაც არ გამომიცდია და უნდა ვთქვა რომ მართლა ძალიან მაგარი იყო.
მაგრამ ეგ იყო რომ ბევრმა ასეთი ეფეტების გამო დარბაზი ადრე დატოვა , მაგრამ მე კი მართლა ძალიან მომეწონა. მართლა მეგონა ჩემს ირგვლივ ხდებოდა ყველაფერი.

Broadway Musical - Wicked

ბროდვეის მიუზიკლზე დასწრება ყოველთვის ჩემი ოცნება იყო. ოზის ჯადოქრის ამ ალტერნატივის ნახვა ძალიან მაინტერესებდა. თან ამ მიუზიკლს უამრავი დადებითი გამოხმაურება მოყვა და სიმღერა "defying gravity" მსოფლიო ჰიტი გახდა. მაგრამ უნდა ვთქვა რომ ეს ბევრად მეტი იყო ვიდრე ველოდი.
ეს ჩემთვის უდაოდ ცხოვრებაში ერთ–ერთი  უბედნიერესი წამები იყო.  მსახიობები გარდა იმისა რომ სიმღერაში საუკეტესოები იყვნენ, შოუ ძალიან სასაცილოც იყო და თან სევდიანი. იდევ უამრავჯერ ვნახავდი. მაგრამ ახლა მეორე ოცნებაც გამიჩნდა. მეფე ლომი ბროდვეიში. იმედია როდესმე ავიხდენ.

New York City !!!

  ცხოვრებაში ერთ–ერთი ყველაზე დიდი ოცნება ავიხდინე ნიუ იორკში ვიყავი sights მოსანახულებლად. ამ ოცნების სრულებაში გაცვლით სტუდენტებს ისევ ადგილობრივი კოორდინატორი დაგვეხმარა. პირველ დღეს ძალიან ადრე გავედით რათა wall street–ი გვენახა. შემდეგ კი ბრუკლინის ხიდი. შთამბეჭდავი იყო 9/11 ტერაქტის ადგილი. ტერაქტის მოწმე ქალბატონის გამოსვლამაც ყველა აღაფრთოვანა. შემდეგ Empire State Buildingისაკენ გავემართეთ.უცნაური შეგრძნება იყო ასეთ სიმაღლეზე ყოფნა. კინკ კონგისათვის სპეციალურად მიძრვნილი განყოპილებაც ვნახეთ. დღე კი Times Squareზე ვახშმით და მადამ ტიუსოს მუზეუმით დამთავრდა.

 ძალიან ადრე ავდექით, თავისუფლების ქანდაკების პირველი ტურისტული ჯგუფისთვის რომ მიგვესწრო. ნიუ იორკის სიმბოლოსთან სამახსოვრო სურატები გადავიღეთ და შემდეგ ელის კუნძულზე გადავედით. ჩვენი თხოვნით მეტროთი ვიმგზავრეთ და ცენტრალ პარკი ვნახეთ. მერე სავახშმოდ ცნობილ პიცერიაში წავედით და  ბროდვეის მიუზიკლისათვის ი მოვემზადეთ.

Whiteface

 ჩემი ქალაქიდან ძალიან ახლოს მსოფლიოში ცნობილი საზამთრო კურორტი Lake Placid-ია, რომელმაც ორჯერ უმასპინძლა ზამთრის ოლიმპიურ თამაშებს – 1932 და 1980 წლებში. ადგილობრივ კოორდინატორს გაცვლითმა სტუდენტებმა ვთხოვეთ სათხილამუროდ წავსულიყავით და რათქმაუნდა მანაც სურვილი შეგვისრულა.  გზაზე ყინულის სასახლეშიც შევიარეთ. და ცოტა ვიციგურავეთ კიდეც. მაგრამ ყველაზე მაგარი რათქმაუნდა მთის წვერიდან ჩამოსვლა იყო. ჰოსტ ოჯახმა უამრავჯერ გამაფრთხილა რომ ეს გზა ცნობილია როგორ ერთ–ერთი ყველაზე სახიფათო ყინულის გამო. მაგრამ უკვე თხილამურებში იმდენად კი გავიწაფე რომ ეს დაბრკოლება  დავძლიე. მართლაც კარგი გრძნობაა როცა იმ გზას გადიხარ რასაც ერთ დროს დიდი სპორტსმენები გადიოდნენ.  ყველაზე მეტად კი ის გამიხარდა რომ ჯერჯერობით ყველაზე დიდი ნახტომი აქ გავაკეტე დაახლოებით 2.5 მეტრი.